Gion Cadieli
Gion Cadieli ie n autur rumanc (* 26-1-1876 Sagogn, † 1-11-1952 Sagogn)
Il triembel.
(Nach Igl Ischi, S. 120, 1900.)
Ault ell aria vid duas guttas
Pend' el saun il tschut de Diu,
Mira cun egliadas ruttas
Si encunt' il tschiel nebliu.
5 „Consumatum“ El suspira,
„Consumatum“ El ei morts:
Sut la crusch la mumma plira
E selegran ils cohorts.
Cheu sestgira tschiel e tiara
10 Tras la notg resun' il tun,
Ord la fossa vegn la bara,
Tut che fui en confusiun.
Mintga plonta che suspira
Trembla, plira de dolur
15 Ina mo ei leu che mira
Senza tema e sgarschur.
Ed a quella clom' en greta
Il scaffider giu dal tron:
„Pia trembla tia veta,
20 Trembla ti e tiu affon.“
rm Wikipedia
mudéWikisource
mudéWikidata
mudéFontanas
mudé- Bezzola, Litteratura, 615, 769, 773 ann.;
- Deplazes, Funtaunas 3, 93 s.;
- G. Deplazes, Gion C., en: Annalas, 117/2004, 158-61
Liams
mudé- Lexicon
- annalas Archived 2020-01-18 te la Wayback Machine